Discursu di Che Guevara a l'ONU di lu 12 di Dicèmmiru 1964 Ora sé ca la storia hà fari li cunti ccu li pòviri di l'Amèrica, ccu chiddi sfruttati e sfuttuti di l'Amèrica Latina, ca hannu addicidutu d'accuminciari a scrìviri iddi stissi, pi sempri, la sò storia. E ssa unna di stremu avvilimentu, di justizzia ricramata, di dirittu pistatu, ca s'accumincia a sùsiri dintra li terri di l'Amèrica Latina, ssa unna ora nun si ferma cchiù. Ssa unna va criscennu ogni jornu ca passa. Picchì ssa unna la fòrmanu assai, la cchiù granni parti nti tutti li ceti suciali, chiddi c'assùmanu ccu lu sò travagghiu li ricchizzi, crèanu li valuri, facennu caminari li roti di la storia e ca ora s'arrisvìgghianu di lu longu sonnu brutali unni hannu statu misi. Picchì sta granni umanitati ha dittu "basta!" e accuminciau a smuvìrisi. E la sò marcia, di giganti, ora nun si ferma nzinu a quannu si cunquista la vera nnipinnenza, pi la quali hannu murutu cchiossai di na vota ammàtula. Ora, ogni vota, chiddi ca mòrinu, hannu a mòriri comu li Cubbani, chiddi di Playa Girón, hannu a mòriri pi la sò sula, vera e irrinunziàbbili nnipinnenza. (traduzzioni 'n sicilianu di Giuseppe Coniglione)
