Maoni sya ang 13 ka mga songs namo nga naglangkob sa among album nga "Caution: Children's Crossing". ug kini mao ang mosunod: *Tingog Bisrock, *Tuba, *Parental Guidane, *Yukbo, *Sabakan sa Balaod, *Hitachi, *Biblia vs.Syensya, *Rambol, *Kasaysayan ba o Sugilanon, *Taho, *CES Jam, *Batang Cebu ug *Pinangga. Kini nagbasi sa realidad nga kahimtang sa among tininuod nga pagpakabana ug kini isip pagpahimulos sa atong gitawag ug freedom of expression. Dinhi sa musika namo gipaagi ang among kasinatian ug napanid-an aron sa pagpalambo sa tinuod-anay nga kausaban ilabi na sa panaghugpong sa mga sugboanong musikero. Hinaot nga mahatagan ni ug pagtagad ang among panglantaw samtang kami naglungtad pa ug ang tumong lang gyud namo mao nga kami unta mahimong kasaligan aron mahimong ehemplo sa mga kabatan-onan. Daghan pa kaayo mi ug compositions apan sa pagka karon nakita namo nga nag-aginod gyud ang atong kaugalingong industriya sa musika ug kini mao usab ang nasinati sa ubang mga lokal bands. Ug subo palandungon nga ang uban nabungkag nalang ug kami gisayangan kaayo. HInaot nga kami unta maglungtad aron makahimo pa mi sa pag-ayuda sa ubang sumosunod nga nagplanong magtukod ug banda aron sa paglikay sa mga bisyo. Ug sa uban nga mga lokal band's, nanghinaot ug nag-ampo mi nga unta kamo magpadayon sa inyong gisugdan ug kami andam kaayo sa pagpakigsandurot kaninyo aron atong ipakita nga kitang mga sugboanon dunay igong katakos sa atong mga talento nga makatabang sa paglikay sa mangitngit
...
