盧千惠：台灣是值得愛惜、保護的國家《南方快報》2008.12.22 www.southnews.com.tw Lô͘ Chhian-hūi: Tâi-oân sī ta̍t-tit thiàⁿ-sioh, pó-hō͘ ê kok-ka 《Lâm-hong khoài-pò》2008.12.22 Ta̍k-ke hó ho͘ ⁿ. A,goán tńg-lâi Tâi-oân í-keng saⁿ-kó-gōa goe̍h. Goán tńg-lâi tī Tâi-oân, kòe-liáu chin khoài-lo̍k ê ji̍t-chí ho͘ ⁿ. A, sui-jiân ū chin chē hoân-ló ê tāi-chì. Tān-sī Tâi-oân ê tông-hiong tùi goán ê jia̍t-chêng si̍t-chāi sī hō͘ goán chìn-chiâⁿ khoài-lo̍k. Chhin-chhiūⁿ kóng, goán ê chhù ê tiâⁿ--ni̍h, ho͘ ⁿ, ū chi̍t-châng chiok tōa-châng ê kùi-hoe, gō͘-cha̍p-nî ê kùi-hoe. Sī pêng-iú kóng: a, hoan-gêng goán tńg-lâi, kā goán chèng ê, ho͘ ⁿ. A, tī tiâⁿ--ni̍h chit-má ū teh khui neh. A, hit-ê phang-bī, ho͘ ⁿ, hō͘ goán ta̍k-chái lóng kám-kak kóng chin-chiâⁿ hoaⁿ-hí. A, chhin-chhiūⁿ kóng, kin-á-ji̍t goán lâi Tâi-pak, teh chē hit-ê chiê-iún(捷運/chiat-ūn, chiap-ūn) ê sî ho͘ ⁿ, goán tī hia teh khòaⁿ kóng, m̄ chai tá-uī sī Tâi-pak chhia-chām, m̄-chai teh beh kàu bē. A, chi̍t-ê siàu-liân gín-á tō kóng, lín sī beh khì tá-ūi? Goán kóng, beh khì Tâi-pak chhia-thâu. I tō kóng kóng, a, án-ne, ài koh chē nn̄g-chām. A, kàu Tâi-pak chhia-thâu ê sî, I tō kóng, a, kàu a o͘. I tō án-ne kā goán kóng ho͘ ⁿ. A, goán nā chē khí-tit chhia-téng, it-tēng ū siàu-liân lâng niû goán chē-ūi ho͘ ⁿ. Che kap Ji̍t-pún koh bô siâng-khoán. Chit-khoán ê Tâi-oân si̍t-chāi sī chin thang pó-sioh, chin un-loán ê só͘-chāi. A, Tâi-oân, ta̍k-ke tō chin hoân-ló kóng, sī-m̄-sī ē khì hō͘ Tiong-kok thun--khì. Á-sī kóng, Má chèng-hú kheng
...
![[Holo]盧千惠：台灣是值得愛惜、保護的國家《南方快報》2008.12.22](http://i.ytimg.com/vi/3iOfa2Srabk/0.jpg)
