※本單元是公共電視及李江却台語文教基金會合作製作。歡迎大家link 做非營利教學使用。 標題：高英工商鼓勵考照扯勻1人15張Ko-ing Kang-siong kóo-lē khó tsiàu tshé-ûn tsi̍t lâng tsa̍p-gōo tiunn 扯勻（tshé-ûn）：平均證照升學雙頭拚欲揣頭路就較贏Tsìng-tsiàu sing-ha̍k siang-thâu piànn beh tshuē thâu-lōo tō khah iânn 諺語：做猴著會peh樹。 Tsò kâu tio̍h ē peh tshiū. 華語：『人要有一技之長』，做猴上無愛學會曉peh樹，人嘛愛學一項專長，通好度活。 內文： *蔡忠憲高英工商教師先拆光碟機Sing thiah kong-tia̍p-ki. 佇課堂上實做tī khò-tn̂g siōng si̍t-tsò 拆電腦動作伶俐thiah tiān-náu tōng-tsok líng-lī. 這是高雄一間高職Tse sī Ko-hiông tsi̍t king ko-tsit 實用技能學程班的學生仔si̍t-iōng ki-lîng ha̍k-tîng-pan ê ha̍k-sing-á, 佇老師的指導下tī lāu-su ê tsí-tō hā, 人人攏是考照的高手lâng-lâng lóng sī khó-tsiàu ê ko-tshiú. 猶毋過一開始Iáu m̄-koh tsi̍t-khái-sí, 同學in毋是遮爾自動自發的tông-o̍h in m̄-sī tsiah-nī tsū-tōng-tsū-huat--ê. *蔡忠憲高英工商教師到甲頂學期為止Kàu kah tíng ha̍k-kî uî-tsí, 阮全班共總有748張guán tsuân-pan kiōng-tsóng ū 748 tiunn. 總扯是隨人有15.2張(證照) Tsóng-tshé sī suî-lâng ū 15.2 tiunn (tsìng-tsiàu). In嘛開始建立自信In mā khai-sí kiàn-li̍p tsū-sìn, 對這方面愈來愈有興趣tuì tsit hong-bīn jú lâi jú ū hìng-tshù, 甚至會主動問老師講sīm-tsì ē tsú-tōng mn̄g lāu-su kóng, 老師，阮猶有啥物證照通來去考lāu-su guán iáu ū siánn-mih tsìng-tsiàu thang lâi-khì khó. Kā一張一張的證照掀開Kā tsi̍t tiunn tsi̍t tiunn ê tsìng-tsiàu hian--khui, 對高一到高三tuì ko-it kàu ko-sann, 沈子程一路考落來Sím Tsú-tîng tsi̍t
...
